Այսօր լրագրողների հետ հանդիպմանը թուրք ռեժիսոր Ֆաթիհ Աքինը,
պատասխանելով հարցին, թե նա պատրաստվո՞ւմ է Գերմանիայում ապրող հայերի եւ
թուրքերի հարաբերությունների մասին ֆիլմ նկարահանել, ռեժիսորն ասաց, որ
երբեւէ նման նախագծի մասին չի մտածել, սակայն եթե մտածեր էլ, ապա այդպիսի
ֆիլմ նկարելը բավականին դիդակտիկ կլիներ։
Սակայն նա նշեց, որ հետաքրքրվում է բոքսով եւ շատ ակտիվ է այդ
բնագավառում եւ կուզեր ֆիլմ նկարահել բոքսի մասին։
«Ես Սյուզի Կենտիկյանի շատ մեծ երկրպագուն եմ, այցելում եմ նրա բոլոր
մենամարտերին։ Սիրում եմ նաեւ Արթուր Աբրահամի մենամարտերը։
Արթուր Աբրահամը մենամարտել է թուրք Մարի Օրհանի հետ, ում հետ ես
մարզվել եմ։ Եթե Գերմանիայում բնակվող հայերի եւ թուրքերի
հարաբերությունների վերաբերյալ ինչ-որ գործ նկարվեր, կարծում եմ շատ
հետաքրքիր կլիներ վերցնել Աբրահամի եւ Օրհանի մենամարտը եւ փորձել այն
դիտել կողքից»,-ասաց նա։