Երեւանի փողոցներում զբոսնելիս ես ինձ իմ սեփական երկրում եմ զգում։
Հուլիսի 17-ին լրագրողների հետ հանդիպմանն ասաց թուրք կինոռեժիսոր Սեմիհ
Կապլանօղլուն։
«Շատ հարազատ է ինձ Երեւանը։ Զգում եմ, որ մենք միասին ունենք շատ
խնդիրներ, «դարդեր», որոնց մասին չենք խոսում, չենք բացահայտում։ Քաղաքական
գործիչները չեն փափկի եւ չեն մեղմանա, սակայն մենք մեր ֆիլմերով եւ
մշակույթով ցավը կիսելով կհասնենք բուժման»,-նշեց կինոռեժիսորը։
Նշենք, որ նա Երեւանում է «Ոսկե ծիրան» միջազգային կինոփառատոնի
շրջանակներում, ընգրկված է ժյուրիի կազմում։ Փառատոնի ընթացքում ցուցադրվել
է նաեւ նրա վերջին՝ «Մեղր» ֆիլմը։
