Հուլիսի 21-ին, ժամը 10.45-ին Մարտունի քաղաքի ոստիկանության բաժնից
տեղեկություն է ստացվել, որ Սեւանա լճի «Միքայելյան եղբայրներ» ՍՊԸ-ի
լողափից 150 մ հեռավորության վրա հայտնաբերվել է դիակ, եւ այն հանելու
համար անհրաժեշտ է փրկարարների օգնությունը:
Ինչպես NEWS.am-ը տեղեկանում է ՀՀ
Արտակարգ իրավիճակների նախարարության փրկարար ծառայությունից, ժամը 11-ին
դեպքի վայր է մեկնել Մարտունի քաղաքի հրշեջ-փրկարարական ջոկատի պետը:
Արծվանիստ գյուղի բնակիչների կողմից ջրից դուրս է բերվել 40-45 տարեկան
անձը չպարզված տղամարդու դիակ:
Դին տեղափոխվել է Մարտունի քաղաքի դիահերձարան:
