Կանադայի մայրաքաղաքը մնացել է առանց էլեկտրականության Եղիսաբեթ 2-րդի
այցի ընթացքում: Հուլիսի 5-ի երեկոյան Տորոնտոյի արեւմտյան շրջանում
տրանսֆորմատորային խոշոր կայանում ուժեղ հրդեհ է բռնկվել, հաղորդում է
«Մայակ» ռադիոկայանը:
Էլեկտրականությունն անջատվել է 250 հազար տներում, խնդիրներ են ծագել
մետրոյի եւ քաղաքամերձ գնացքների աշխատանքում, անջատվել են լուսացույցները:
Ինչպես նշում է «Ազատություն» ռադիոկայանը, միջադեպն ազդել է
բրիտանական թագուհու օրակարգի վրա: Նրա պատվին նշանակված ճաշը, որ տալիս էր
Կանադայի վարչապետ Ստիվեն Հարպերը, ստիպված էին հետաձգել. Royal York
հյուրանոցը մնացել էր առանց էլեկտրականության:
Նշենք, որ այսօր Մեծ Բրիտանիայի թագուհու հյուսիսամերիկյան
շրջագայության վերջին օրն է: Եղիսաբեթ 2-րդը այնուհետեւ ժամանելու է Նյու
Յորք: Վերջին 53 տարվա ընթացքում առաջին անգամ նա ելույթ կունենա ՄԱԿ-ի
ամբիոնից: Թագուհին կայցելի Մանհեթենում գտնվող սեպտեմբերի 11-ի
ահաբեկչության վայր: