Թուրքիայի իշխող «Արդարություն եւ զարգացում» կուսակցության
խորհրդարանական խմբակցության ժողովում Էրդողանի արտասվելը Թուրքիայում
քննարկումների առիթ է դարձել։
Թուրքիայի վարչապետը իր կուսակցության խորհրդարանական խմբակցության
ժողովում առաջիկա սեպտեմբերի 19-ի Սահմանդրական հանրաքվեի վերաբերյալ
ելույթի ընթացքում ընթերցել է 1980-ի ռազմական հեղաշրջումից հետո
մահապատժի ենթարկված անձանցից մի քանի հոգու վերջին նամակները, եւ
կարդալիս՝ արտասվել։
Հիշյալ իրադարձությունը միանշանակ չընդունվեց թուրքական հասարակության
կողմից։ Շատերը գտնում են, թե Էրդողանի արցունքները կեղծ են, իսկ
ընդդիմությունը Էրդողանի արտասվելը համեմատեց կոկորդիլոսի արցունքների հետ։
Թուրքական գլխավոր ընդդիմադիր «Ժողովրդա-հանրապետական» կուսակցության
նախագահ Քեմալ Քըլչդարօղլուն անմիջապես արձագանքեց Էրդողանի արտասվելուն՝
կոչ անելով նրան՝ ներկայացում չխաղալ։
Իր հերթին` խոսեց նաեւ 30 տարի առաջ Էրդողանի կողմից հիշատակված անձանց
մահապատժի ենթարկած դատավորը՝ պնդելով, թե այդ անձինք արդարացիորեն են
դատապարտվել մահապատժի։