Ի՞նչ են խոսում. դերասան-հաղորդավար Խորեն
Լեւոնյանը պսակադրվել է:
Իրականում. այս լուրը, փաստորեն, այնքան էլ անհավանական
բամբասանքների շարքից չէ եւ միանգամայն համապատասխանում է իրականությանը:
Չնայած Խորենն ու Մերին արդեն տեւական ժամանակ է` ամուսնացած են, սակայն
նրանց պսակադրությունը տեղի է ունեցել միայն վերջերս` հունիսի 1-ին
Էջմիածնի Սբ. Գայանե եկեղեցում: Հարազատներից բացի հրավիրվածների թվում էին
նաեւ շոու-բիզնեսի մի շարք ներկայացուցիչներ` Սյուզան Մարգարյանն ու
Հրաչյա Հարությունյանը, Հայկոն ու Անահիտ Սիմոնյանը, Կամո Սեյրանյանը, Հրաչ
Քեշիշյանը, Մարտին Մկրտչյանը եւ այլք:
Մեր այն հարցին, թե ինչո՞ւ որոշեցին պսակադրվել այսքան ժամանակ անց`
Խորեն Լեւոնյանն ի պատասխան ասաց. «Հիմա ինչ` կյանքս պատմե՞մ,- այնուհետեւ
շարունակեց,- այդպես էր հարմար, բացի այդ, քանի որ հունիսի 1-ը Երեխաների
իրավունքների պաշտպանության օրն էր, հենց այդ օրը որոշեցինք»: Իհարկե,
երեխաների օրն ինչու են այդչափ կարոտել, կարելի է միայն ենթադրել, քանի որ
ասում են նաեւ, որ Խորեն Լեւոնյանի կինը` Մերին, բալիկ է սպասում: Մենք
փորձեցինք այդ ուրախալի լուրն էլ ճշտել, սակայն սիրված դերասանն ու
հաղորդավարը այն ոչ հերքեց, ոչ հաստատեց: Միայն ասաց, որ այդ մասին ավելի
ուշ կխոսի: Հարգելով նրա ցանկությունը` չպնդեցինք մանրամասնել այն:
|