Անգլիայում 4-ամյա տղային մահացած են գտել լվացքի մեքենայում
Անգլիայում Դերբիշիր կոմսությունում 4-ամյա տղային մահացած են գտել
լվացքի մեքենայում: Ենթադրվում է, որ նա ներսից փակել է դուռը եւ շնչահեղձ
եղել: Հաղորդում է «Տրուդ»-ը: Ոստիկանության տվյալներով, նա իր եղբայրների
հետ «պահմտոցի» է խաղացել: Եղբայրները երկար ժամանակ չեն գտել նրան եւ
դիմել են ոստիկանություն: Մի քանի ժամ անց իրավապահները հայտնաբերել են
տղայի մարմինը լվացքի մեքենայում` առանց կյանքի նշանների:
| 
