Ադրբեջանում տղամարդկանց արգելում են լքել երկիրը. Շուտով համընդհանուր մոբիլիզացիա է լինելու
Օգոստոս 03, 2010 | 17:58
Ադրբեջանի՝ 18-45 տարեկան քաղաքացիները, ովքեր ցանկանում են մեկնել արտերկիր, օտարերկրյա դեսպանատներում մերժում են վիզա տրամադրելու հարցում:
Համապատասխան փաստաթուղթը կարող է տրվել միայն այն անձանց, ովքեր գործուղման են մեկնում պետական գործերով կամ պետական նշանակություն ունեցող միջոցառումներին: Այդ մասին «Ենի մուսավաթ» թերթին հայտնել է ադրբեջանցի մի գործարար, ում նույնպես մերժել են վիզայի հարցում:
«Ես ցանկանում էի Դուբայ մեկնել, սակայն դեսպանատունը ինձ մերժեց` ընդ որում, ես տարին մի քանի անգամ լինում եմ այնտեղ: Ապա ես դիմեցի Չինաստանի դեսպանատուն: Եվ նրանք նույնպես մերժեցին: Երբ ես սպառնացի բողոքել Ադրբեջանի իշխանություններին, դեսպանատան աշխատակիցն ասաց, որ Ադրբեջանի կառավարությունից իրենց հանձնարարվել է վիզա չտտրամադրել 18-45 տարեկան տղամարդկանց»,- պատմել է գործարարը:
Թերթի անցկացրած սեփական հետաքննության ընթացքում պարզվել է, որ վերջին մեկ ամսվա ընթացքում Ադրբեջանում բոլոր հավատարմագրված դեսպանատները ղեկավարվել են այդ հրամանով: Այսինքն վերջին ամսվա ընթացքում վիզաներ են տրամադրվել միայն այն տղամարդկանց, ովքեր մեկնում էին պետական կարեւորություն ունեցող միջոցառումներին:
«18-45 տարեկան տղամարդկանց չեն թույլ տալիս լքել երկիրը, քանի որ այդ տարիքի քաղաքացիների մոտ կեսը գտնվում է երկրի սահմաններից դուրս, իսկ մնացածների մեկնումը կարող է խնդիրներ առաջացնել մոբիլիզացիայի դեպքում», - ասել է փորձագետը: