Հուլիս 30, 2010 | 15:08
Զինված ուժերի զորամասերից մեկում հուլիսի 28-ին մարտական հերթապահության կանոնների կոպիտ խախտման հետեւանքով ծագած միջադեպի պատճառով զոհվել են ավագ լեյտենանտ Վարդգես Արարատի Թադեւոսյանը (Երեւան), ժամկետային զինծառայողներ Գարեգին Սամվելի Հովսեփյանը (Էջմիածին), Անդրանիկ Սարգսի Սարգսյանը (Երեւան), Ռոբերտ Միքայելի Հովհաննիսյանը (Վանաձոր), Արտյոմ Սուրենի Մանասյանը (Չարենցավան), Կարո Շուրիկի Այվազյանը (Երեւան): Այս մասին NEWS.am-ը տեղեկանում է Պաշտպանության նախարարության մամլո ծառայությունից:
ՀՀ պաշտպանության նախարարությունը խորապես ցավակցում է զոհվածների հարազատներին եւ մերձավորներին եւ հավաստիացնում, որ ձեռնարկվում են անհրաժեշտ բոլոր միջոցառումները՝ միջադեպի պատճառները բացահայտելու եւ մեղավորներին օրենքով նախատեսված կարգով պատասխանատվության ենթարկելու համար:
